以往交通唔發達，當時嘅人都會用盡心機去運用當地食材做食物，然後成為當地文化嘅一部份。呢類食材，就係所謂「傳統食材」。尋箸愛用傳統食材，就係因為佢唔單只有深厚嘅在地文化內涵，而且碳足跡少，對環境好。
然而時代變遷，大家口味會改變、對食物嘅期望同理解都會變，傳統食物往往變成老土食物而被邊沿化，然後消失。當傳統消失，相應嘅文化亦一齊失去。過去人民嘅努力成果，就會被遺忘。
所以尋箸使用傳統食材嘅同時，都會對佢加入現代嘅創新。希望呢啲食材可以繼續進入現代以至未來嘅人嘅眼中，令我哋嘅文化得以永續。
要攞住呢啲經過幾十又甚至千年嘅傳統嚟搞創新，實在唔容易，但有意義，值得堅持。
茶月兔嘅傳統組合係酒樓飲茶嘅麻蓉包配烏龍茶，同埋和風甜品宇治金時嘅紅豆配綠茶。
而創新嘅係使用純素食材、曲奇餅皮，仲有佢嘅造形工藝。
如果大家品嘗茶月兔嘅時候感覺到佢有您熟識嘅香港味道，然後又覺得有未食過嘅新意。多謝您，您欣賞到嘅就係尋箸嘅心意。
